by 
CPM : సిపిఎం అనుబంధ సంఘం తెలంగాణ రైతు సంఘం (AIKS) ఆధ్వర్యంలో హన్మకొండలో మూడు రోజుల పాటు రైతులకు శిక్షణ తరగతులు నిర్వహించారు. ఈ శిక్షణ కార్యక్రమంలో తెలంగాణ లోని వివిధ ప్రాంతాల నుంచి రైతులు, రైతు సంఘం నాయకులు, కార్యకర్తలు పాల్గొన్నారు. సంఘం నేతలు శిక్షణకు హాజరైన వారిని ఉద్దేశించి ప్రసంగించారు.
అనంతరం తెలంగాణ రైతు సంఘం (AIKS) రాష్ట్ర స్థాయి కమిటీని ఏకగ్రీవంగా ఎన్నుకున్నారు. ఈ కమిటీలో మంచిర్యాల జిల్లా చెన్నూర్ మండలానికి చెందిన సిపిఎం పార్టీ సీనియర్ నాయకుడు, పార్టీ మండల కార్యదర్శి బోడెoకి చందు ను AIKS రాష్ట్ర కమిటీ సభ్యుడిగా ఏకగ్రీవంగా ఎన్నుకున్నారు. ఈ సందర్బంగా చందు మాట్లాడుతూ తనకు ఈ భాద్యతలు అప్పగించినందుకు పార్టీ రాష్ట్ర కమిటితో పాటు తెలంగాణ రైతు సంఘం రాష్ట్ర కమిటీ కి ధన్యవాదాలు తెలిపారు. ఎఐకెఎస్ సంఘాన్ని బలోపేతం చేయడంతో పాటు సంఘం అప్పగించిన భాద్యతలను నెరవేర్చుతానన్నారు. రైతుల సమస్యల పరిస్కారం కోసం కృషిచేస్తానన్నారు.
