by 
CPI : బెల్లంపల్లి పట్టణంలో రోడ్డు వెడల్పు కారణంతో ఉపాధి కోల్పోయిన వ్యాపారులకు ప్రభుత్వం వెంటనే నష్టపరిహారం ఇవ్వాలని సీపీఐ నాయకులు డిమాండ్ చేశారు. గురువారం బెల్లంపల్లి సబ్ కలెక్టర్ కు వ్యాపారులను ఆదుకోవాలని కోరుతూ వినతి పత్రం అందజేశారు. ఈ సందర్బంగ పలువురు నాయకులు మాట్లాడుతూ రోడ్డు విస్తరణలో భాగంగా పలువురు వ్యాపారులకు ఉపాధి కరువైనదన్నారు. గత కొన్నేళ్లుగా వ్యాపారం చేసుకుంటున్న వారికి మరొక ప్రాంతంలో ఆధారం చూపకుండా కూల్చివేయడంపై సీపీఐ నాయకులు ఈ సందర్బంగా తీవ్ర అసంతృప్తిని వ్యక్తం చేశారు.
ఉపాధి కోల్పోయిన వ్యాపారులకు మరొక చోట స్థలం ఉచితంగా ఇవ్వాలని వారు డిమాండ్ చేశారు. అదేవిదంగా దుకాణం నిర్మించు కోడానికి వడ్డీ లేని రుణాలు మంజూరు చేసి ఆదుకోవాలన్నారు. పట్టణ ప్రజలు మార్కెట్లో కొనుగోలు చేయగా వారి వాహనాలకు పోలీస్ శాఖ వారు అపరాధ రుసుము వసూలు చేస్తున్నారని వారు ఆవేదన వ్యక్తం చేశారు. ప్రజల సౌకర్యార్థం వెంటనే పార్కింగ్ స్థలం ఏర్పాటు చేయాలని నాయకులు కోరారు.
ఈ కార్యక్రమంలో బెల్లంపల్లి మండల కార్యదర్శి బొంతల లక్ష్మీనారాయణ, పట్టణ సహాయ కార్యదర్శి బొల్లం తిలక్, అంబేద్కర్, ఏఐవైఎఫ్ జిల్లా అధ్యక్షులు కొంకుల రాజేష్, జిల్లా సమితి సభ్యులు రత్నం రాజం, ఎన్ఎఫ్ఐడబ్ల్యూ జిల్లా అధ్యక్షులు బొల్లం సోనీ తదితరులు పాల్గొన్నారు
