sikandar : బాలీవుడ్ సూపర్ స్టార్ సల్మాన్ ఖాన్, ప్రముఖ నటి రష్మిక మందన్న జంటగా నటించిన చిత్రం ‘సికందర్’. ఈ సినిమా ఇప్పటికే కావలసిన అన్ని ఏర్పాట్లు పూర్తి చేసుకుంది. ప్రపంచ వ్యాప్తంగా ఈ నెల 30న అభిమానుల ముందుకు రాబోతోంది. ఇటీవల కాలంలో సల్మాన్ ఖాన్ సినిమాలు విజయాన్ని అందుకోలేకపోతున్నాయి. సికందర్ సినిమాపైననే అభిమానులు ఆశలు పెట్టుకున్నారు.
ఇటీవలనే సికందర్ సినిమా సెన్సార్ పనులు పూర్తి చేసుకుంది. సెన్సార్ అధికారులు కూడా సినిమాలోని ఏ ఒక్క సన్నివేశాన్ని కూడా తొలగించక పోవడం విశేషం. సెన్సార్ ప్రక్రియ కూడా మార్చి 21న పూర్తయ్యింది. థియేటర్లలో సినిమా ట్రైలర్ మూడు నిమిషాల 38 సెకన్లు ఉంటుంది. సినిమా విడిది మాత్రం రెండున్నర గంటలు ఉంటుంది.
సికందర్ సినిమాకు సెన్సార్ అధికారులు U/A సర్టిఫికేట్ అందజేశారు. ఈ సినిమాను13 ఏళ్ల, నుంచి ఆ పై వయసు ఉన్నవారు మాత్రమే చూడాల్సి ఉంటుంది. అంతకంటే తక్కువ వయస్సు ఉన్నవారు చూడరాదు. ఈ సినిమాను సల్మాన్ ఖాన్ మిత్రుడు సాజిద్ నదియావాలా నిర్మించడం విశేషం.
