Kobbari : కొబ్బరి నీళ్లు, కొబ్బరి నూనె. కొబ్బరి పువ్వు. కొబ్బరి ముక్కలు. వీటన్నిటిని మనం ఉపయోగించు కుంటాం. ఒక విదంగా చెప్పాలంటే కొబ్బరి కాయను పోషకాలకు గని అని చెప్పవచ్చు. ఎందుకంటే కొబ్బరిలో అనేక రకములైన పోషకాలు పుష్కలంగా ఉంటాయి. కొబ్బరి తినడం వలన అనేక లాభాలు ఉన్నాయని ఆరోగ్య నిపుణులు చెబుతున్నారు.
కొబ్బరి కాయను పగలగొట్టినపుడు పువ్వు కనిపిస్తే ఆనందపడుతాం. పువ్వు వచ్చిందని పడేయకండి. ఆ పువ్వును తినండి. కొబ్బరి పువ్వులో యాంటీ బ్యాక్టీరియల్, యాంటీ పారసైట్, యాంటీ వైరల్, యాంటీ ఫంగల్ గుణాలు ఉంటాయి. ఇవి శరీరంలో రోగ నిరోధక శక్తిని పెంచడానికి ఉపయోగ పడుతాయి. దీనివలన వ్యాధులు, ఇన్పెక్షన్లు రాకుండా శరీరాన్ని కాపాడుతుంది.
కొబ్బరి పువ్వు తినడం వల్ల చర్మంపై ముడతలు, మచ్చలు ఉండవు. జుట్టు, చర్మం ఆరోగ్యంగా ఉంటాయి. జుట్టు దృఢంగా, ఒత్తుగా పెరగడానికి సహాయ పడుతుంది. జీర్ణ సమస్యలను నివారిస్తుంది. చెడు కొలెస్ట్రాలును నివారిస్తుంది. బరువు తగ్గించడంలో శరీరానికి సహాయపడుతుంది.
