హైదరాబాద్లో 24 క్యారెట్ల 10 గ్రాముల బంగారం రూ.1,47,380..
కిలో వెండి రూ.626 తగ్గి రూ.2,23,575కు చేరిక
కోల్ బెల్ట్ న్యూస్(హైదరాబాద్):
దేశీయ బులియన్ మార్కెట్లో గురువారం బంగారం ధర స్వల్పంగా పెరగగా, వెండి ధర మాత్రం తగ్గింది. గత కొన్ని రోజులుగా బంగారం, వెండి ధరల్లో హెచ్చుతగ్గులు కొనసాగుతున్న నేపథ్యంలో తాజా ధరలు కొనుగోలుదారుల దృష్టిని ఆకర్షిస్తున్నాయి. క్యాప్స్ గోల్డ్ వెబ్సైట్ వివరాల ప్రకారం, హైదరాబాద్లో 10 గ్రాముల 24 క్యారెట్ల స్వచ్ఛమైన బంగారం ధర ప్రస్తుతం రూ.1,47,380గా నమోదైంది. గత ట్రేడింగ్ సెషన్లో ఇది రూ.1,46,610 ఉండగా, ఒక్కరోజులోనే రూ.770 పెరిగింది. ఆభరణాల తయారీలో అధికంగా వినియోగించే 22 క్యారెట్ల 10 గ్రాముల బంగారం ధర ప్రస్తుతం రూ.1,31,540గా ఉంది.
మరోవైపు వెండి ధర తగ్గుముఖం పట్టింది. కిలో వెండి ధర ప్రస్తుతం రూ.2,23,575గా నమోదైంది. గత ట్రేడింగ్తో పోలిస్తే కిలోకు రూ.626 తగ్గినట్లు మార్కెట్ వర్గాలు తెలిపాయి. బులియన్ మార్కెట్లో అంతర్జాతీయ పరిణామాలు, డాలర్ మారకం విలువ, పెట్టుబడిదారుల కొనుగోళ్లు వంటి అంశాల ప్రభావంతో బంగారం, వెండి ధరల్లో ప్రతిరోజూ మార్పులు చోటుచేసుకుంటున్నాయి. అందువల్ల కొనుగోలుదారులు తాజా ధరలను పరిశీలించి కొనుగోలు చేయాలని నిపుణులు సూచిస్తున్నారు.
