Home » Mavoist : లొంగుబాటలో మావోయిస్టు కేంద్ర కమిటీ సభ్యురాలు సుజాత ?

Mavoist : లొంగుబాటలో మావోయిస్టు కేంద్ర కమిటీ సభ్యురాలు సుజాత ?

దివంగత నేత కిషన్ జీ భార్య సుజాత
40 ఏళ్లకు పైగా ఉద్యమ బాటలోనే
100 కు పైగా పోలీస్ కేసులు నమోదు
మహిళల నియామకంలో కీలక పాత్ర
మావోయిస్టు హిడ్మా కు గురువు

Mavoist : మావోయిస్టు పార్టీ కేంద్ర కమిటీ సభ్యురాలు, బస్టర్ డివిజన్ కు నాయకత్వం వహిస్తున్న సుజాత పోలిసుల ఎదుట లొంగి పోడానికి సిద్ధమైనట్టు విశ్వసనీయ వర్గాల సమాచారం. సుజాత ఉమ్మడి మహబూబ్ నగర్ జిల్లా (గద్వాల జిల్లా) గట్టు మండలం పెంచికల్ పేట గ్రామ నివాసి. ఇంటర్ అనంతరం డిగ్రీ చదువు కోసం హైదరాబాద్ వెళ్ళింది. అక్కడే రాడికల్ స్టూడెంట్ యూనియన్ కు ఆకర్శితు రాలైనది. డిగ్రీ చదువుతూనే అడవి బాట పట్టింది. సుజాత @ మైస @పద్మ @ ఝాన్సీ పేర్లతో పార్టీలో కొనసాగుతోంది. 40 ఏళ్లకు పైగా ఉద్యమ బాటలోనే ఉంది. ఎనిమిది కి పైగా భాషల్లో ఆమెకు పట్టు ఉండటం విశేషం.

సుజాత ఉమ్మడి కరీంనగర్ జిల్లాకు చెందిన కేంద్ర కమిటీ సభ్యుడు దివంగత మల్లోజుల కోటేశ్వర రావు అలియాస్ కిషన్ జీ భార్య. కిషన్ జీ 24 నవంబర్, 2014 లో ఎదురుకాల్పుల్లో మరణించాడు. ఆయన మరణం అనంతరం ఆమె లొంగి పోతుందనే ప్రచారం జరిగింది. ఒక దశలో పార్టీ కూడా విశ్వసించింది. కానీ అయన మరణం అనంతరం 11 ఏళ్ల పాటు ఉద్యమ బాటలోనే కొనసాగారు. తెలంగాణ, ఆంధ్ర ప్రదేశ్, ఛత్తీస్ ఘడ్, మహారాష్ట్ర లల్లో వందకు పైగా పోలీస్ కేసులు నమోదయి ఉన్నాయి. ఆమెపై కోటి రూపాయల రివార్డు కూడా ఉంది.

సుజాతతో పాటు ఇద్దరు సహా విద్యార్ధినీలు కూడా పార్టీలో చేరారు. వారిద్దరూ వివిధ ఎదురు కాల్పుల్లో చనిపోయారు. కిషన్ జీ చనిపోయిన అనంతరం ఆమె కోసం వివిధ రాష్ట్రాలతో పాటు కేంద్ర పోలీస్ బలగాలు సైతం గాలించాయి. మహిళల నియామకంతో పాటు వారికి శిక్షణ ఇవ్వడంతో ఆమె కీలక పాత్ర పోషించారనే పేరు పార్టీలో ఉంది. మావోయిస్టు కేంద్ర కమిటీ సభ్యుడు హిడ్మా ఆమెను గురువుగా భావిస్తాడు. మావోయిస్టు ప్రాంతాల్లో నిర్బంధం తో పాటు వయోభారం కూడా తోడవడంతో ఆమె లొంగిపోడానికి సిద్ధమైనట్టు విశ్వసనీయ వర్గాల సమాచారం.

Author

  • Editor : Ch . Parasu Ram, NIGAMA MEDIA Pvt Ltd , RNI No : 192138/2024, Date : 20-12-2024, Mancherial, Telangana-504208, Mobile : 9603505050.

    View all posts

Leave a Reply

Your email address will not be published. Required fields are marked *