చెడుపై మంచి విజయానికి ప్రతీకగా విజయదశమి వేడుకలు
వేడుకలో పాల్గొన్న మంత్రి డాక్టర్ గడ్డం వివేక్ వెంకటస్వామి, జిల్లా కలెక్టర్ కుమార్ దీపక్
కోల్ బెల్ట్ న్యూస్(మందమర్రి):
ధర్మ సంస్థాపనకు, అధర్మ నిర్మూలనకు ప్రతీకగా నిలిచే విజయదశమి పర్వదినాన్ని పురస్కరించుకొని మంచిర్యాల జిల్లా మందమర్రి సింగరేణి పాఠశాల మైదానంలో రాక్షస సంహార మహోత్సవాన్ని అత్యంత వైభవంగా నిర్వహించారు. దసరా ఉత్సవాల్లో భాగంగా నిర్వహించిన ఈ కార్యక్రమం భక్తజనులలో ఆధ్యాత్మిక భావాలను నింపుతూ, చెడుపై మంచి సాధించిన విజయానికి ప్రతీకగా నిలిచింది.
(adsbygoogle = window.adsbygoogle || []).push({});
ఈ మహోత్సవానికి రాష్ట్ర కార్మిక, ఉపాధి శిక్షణ, కర్మాగారాలు, గనులు, భూగర్భ శాఖ మంత్రి డాక్టర్ గడ్డం వివేక్ వెంకటస్వామి, జిల్లా కలెక్టర్ కుమార్ దీపక్, సింగరేణి సంస్థ మందమర్రి ఏరియా జనరల్ మేనేజర్ రాధాకృష్ణ ముఖ్య అతిథులుగా పాల్గొన్నారు.
ఈ సందర్భంగా దసరా పండుగ విశిష్టతను, పురాణాల్లోని ధర్మ విజయ సందేశాన్ని ప్రతిబింబించేలా రాక్షస సంహార కార్యక్రమాన్ని నిర్వహించారు. దుర్మార్గంపై ధర్మం, అసత్యంపై సత్యం, అధర్మంపై న్యాయం సాధించిన విజయానికి విజయదశమి నిదర్శనమని ఈ వేడుకలు చాటిచెప్పాయి.
శక్తి స్వరూపిణి జగన్మాత దుర్గాదేవి మహిషాసురుడిని సంహరించి లోకాలకు శాంతిని, ధర్మాన్ని ప్రసాదించిన పవిత్ర గాథను స్మరించుకుంటూ భక్తులు పండుగ సంబరాల్లో పాల్గొన్నారు. చెడును వీడి మంచిని ఆచరించాలని, సత్యధర్మాల మార్గంలో పయనించాలని దసరా పండుగ సందేశం ప్రజలకు స్ఫూర్తినిస్తోంది. ఈ కార్యక్రమంలో వేద పండితులు నృసింహచారి, భక్తులు, ఉత్సవ నిర్వాహకులు, సంబంధిత అధికారులు, స్థానిక ప్రజలు తదితరులు పాల్గొని రాక్షస సంహార మహోత్సవాన్ని విజయవంతం చేశారు.
(adsbygoogle = window.adsbygoogle || []).push({});