కోల్ బెల్ట్ న్యూస్ (మంచిర్యాల):
కొన్ని రోజులుగా పెరుగుతూ వచ్చిన బంగారం, వెండి ధరలు తాజాగా స్వల్పంగా తగ్గుముఖం పట్టాయి. గత నెలలో ఈ రెండు విలువైన లోహాలకు భారీ ఎదురుదెబ్బ తగిలింది. దాదాపు 17 సంవత్సరాల తర్వాత తొలిసారిగా బంగారం, వెండి ఒకే నెలలో గణనీయమైన పతనాన్ని నమోదు చేశాయి.
(adsbygoogle = window.adsbygoogle || []).push({});
వరుసగా మూడు వారాల పాటు తగ్గిన ధరలు అనంతరం కొంత మేర పుంజుకున్నప్పటికీ, ప్రస్తుతం మళ్లీ క్రమంగా తగ్గుదల దిశగా సాగుతున్నాయి. దీంతో కొనుగోలుదారులు, పెట్టుబడిదారులు మార్కెట్ పరిణామాలను ఆసక్తిగా గమనిస్తున్నారు.
జూలై 6 నాటికి దేశీయ మార్కెట్లో 24 క్యారెట్ల 10 గ్రాముల బంగారం ధర రూ.1,46,720గా ఉండగా, 22 క్యారెట్ల 10 గ్రాముల బంగారం ధర రూ.1,34,490 వద్ద ట్రేడవుతోంది. అలాగే వెండి ధర కూడా స్వల్పంగా తగ్గినట్లు మార్కెట్ వర్గాలు వెల్లడించాయి.
అంతర్జాతీయ మార్కెట్ ధోరణులు, డాలర్ మారకం విలువ, కేంద్ర బ్యాంకుల విధానాలు, పెట్టుబడిదారుల కొనుగోలు ఆసక్తి వంటి అంశాలు బంగారం, వెండి ధరలపై ప్రభావం చూపుతున్నాయని నిపుణులు పేర్కొంటున్నారు.
Author
(adsbygoogle = window.adsbygoogle || []).push({});